• 28.04.2015
• Эстонія

• Час чытання: 5 хвілін

---

Універсітэт Тарту прапаноўвае шэраг бакалаўрскіх, магістарскіх і PhD праграм на англійскай мове.

Універсітэт Тарту з’яўляецца адзінай вышэйшай навучальнай установай у краінах Балтыі, якая уваходзіць у ТОП-3% лепшых універсітэтаў свету і ў ТОП-5 ВНУ Усходняй Еўропы (QS Rankings 2014–2015).

Для падтрымкі і развіцця прафесійнай кампетэнтнасці студэнтаў і выкладчыкаў універсітэт супрацоўнічае з 69 універсітэтамі ў 26 краінах свету. Большасць з партнёрскіх універсітэтаў прапануюць акадэмічныя абмены.

Згодна з дадзенымі ISI Web of Science, Тартускі ўніверсітэт належыць да ТОП-1% найбольш цытаваных універсітэтаў і навукова-даследчых інстытутаў у сферы клінічнай медыцыны, хіміі, навакольнага асяроддзя, навукі аб раслінах і жывёлах, геафізічных даследаваннях, сацыяльных навук, біялогіі і біяхіміі.

Навучальныя праграмы на англійскай мове:

Бакалаўрыят:

– Бізнэс-адміністраванне

– Медыцына

Магістратура:

– Даследаванні краін Балтыйскага рэгіёна

– Даследаванні ЕС і Расіі

– Дэмакратыя і кіраванне

– Міжнародныя дачыненні і рэгіёназнаўства

– Фінансавая матэматыка

– Мэнэджмэнт у галіне аховы здароўя

– Матэматычныя метады ў эканоміцы

– Аналітычная хімія

– Распрацоўка праграмнага забеспячэння

– Камп’ютарныя навукі

– Семіётыка

– Філасофія

– Гукарэжысура ў музычным мастацтве і кінематаграфіі

– Права інфармацыйных тэхналогій

– Робататэхніка і камп’ютарная інжынерыя

Універсітэт прапаноўвае таксама PhD-праграмы.

Фінансавыя ўмовы:

Кошт навучання складае ад 3.000 да 11.000 еўра. Мажліва атрыманне стыпендый, якія прадастаўляе ўніверсітэт. Замежныя студэнты англамоўнай магістратуры могуць прэтэндаваць на стыпендыю Міністэрства замежных справаў Эстоніі.

Паступленне і навучанне:

Залічэнне ажыццяўляецца адзін раз у год, вясной, а перыяд падачы дакументаў доўжыцца з сярэдзіны снежня да сярэдзіны красавіка кожнага году.

Навучальны год пачынаецца 1 верасня. Ва ўніверсітэце дзейнічае Балонская сістэма арганізацыі навучання і сістэма модуляў бакалаўр-магістр (3+2).

Працягласць навучання ў дактарантуры складае чатыры гады.

Памер груп залежыць ад кожнага курса і можа складаць ад некалькіх студэнтаў да 100. Звычайны памер групы – да 20 чалавек.

Пражыванне:

Студэнты жывуць у інтэрнатах або ў кватэрах. Замежныя студэнты звычайна абіраюць студэнцкі інтэрнат на вуліцы Raatuse у цэнтры горада. Арэндная плата за інтэрнат складае каля 120 еўра ў месяц. Арэнда кватэры каштуе ад 150 да 400 еўра.

Атрымліваць актуальная абвесткі можна праз суполкі Укантакце і ў Facebook.

Па дадатковых пытаннях звяртайцеся да студэнцкіх прадстаўнікоў.