Як вучыцца ў Чэхіі (бясплатна)


Мяркуеце, што навучанне за мяжой патрабуе вялікіх фінансавых магчымасцей? Мабыць вы ніколі не чулі, што ў некаторых краінах можна атрымаць бясплатную адукацыю. Адной з такіх краін з’яўляуцца Чэхія.

Чаму ж тады студэнты не карыстаюцца гэтай магчымасцю так часта? Магчыма, таму што працэдура падачы дакументаў для навучання ў Чэхіі не адна з самых простых. Давайце разбірацца.

Пачнем з самага цікавага — з выбару спецыяльнасці.

У Чэхіі вельмі шырокі спектр спецыяльнасцяў, таму загадзя вызначце, якія напрамкі вас цікавяць. Найбольш папулярнымі з’яўляюцца тэхнічныя і медыцынскія спецыяльнасці, пасля эканамічныя і гуманітарныя.

Перавагі тэхнічных напрамкаў у тым, што паступленне на гэтыя спецыяльнасці не такое складанае, аднак далейшае навучанне патрабуе намаганняў і ўседлівасці. З гуманітарнымі спецыяльнасцямі ўсё зусім наадварот, да таго ж пры паступленні можна пабачыць высокую канкурэнцыю.

Пасля выбару спецыяльнасці выбіраем універсітэт. Асноўнымі гарадамі, дзе навучаюцца замежныя студэнты, з’яўляюцца Прага і Брно. У Празе ў асноўным падаюць дакументы ў Карлаў універсітэт — тут пераважаюць гуманітарныя напрамкі і Чэшскі тэхнічны ўніверсітэт, як зразумела з назвы, з тэхнічнымі спецыяльнасцямі. У Брно гэта Масарыкаў універсітэт і Тэхнічны ўніверсітэт.

Пасля трэба адаслаць  заяўку (прыглашку) на паступленне. Іх адпраўляюць зімой-вясной, у залежнасці ад універсітэта. Ніхто не абмяжоўвае колькасць заявак для падачы, таму адпраўляць заяву можна адразу ў некалькі ўніверсітэтаў або на розныя спецыяльнасці адной ВНУ.

Для паступлення вам таксама трэба будзе здаць экзамен, які трэба будзе аплаціць. Аплата ў сярэднім складае 20-30 еўра, пасля аплаты вы атрымаеце запрашэнне на іспыт (пазванкі), на падставе гэтых запрашэнняў вы зможаце атрымаць бясплатную кароткатэрміновую візу ў Чэхію.

Самай галоўнай умовай бясплатнага навучання ў Чэхіі з’яўляецца валоданне чэшскай мовай, якое трэба будзе пацвердзіць. Узровень мовы павінен быць В1 — В2. Для атрымання такога сертыфіката будзе дастаткова паўгады навучання.

Здаць Czech Certificate Exam (ССЕ) можна ў Мінску. Кошт экзамену складзе 140 — 170$.

Дадаткова прыйдзецца здаць наступныя экзамены:

  • Бакалаўрыят: тры базавыя школьныя прадметы (матэматыка, біялогія, хімія, фізіка, англійская, гісторыя і г.д. -ў залежнасці ад адабранага напрамку.
  • Магістратура / Дактарантура: экзамены па спецыяльнасці. Напрыклад, для паступлення на эканамічную спецыяльнасць здаюць вышэйшую матэматыку і эканамічную тэорыю.

НЕАБХОДНА ПАМЯТАЦЬ! Пасля здачы экзамену вам прыйдзе пацверджанне аб прыняцці ва ўніверсітэт і вам неабходна мець на руках арыгінал дакумента, бо ён з’яўляецца падставай для выдачы доўгатэрміновай візы.

Апошнімі крокамі да паступлення з’яўляюцца афармленне дакументаў для візы і настрыфікацыя дакументаў аб адукацыі.

Што гэта? Настрыфікацыя — гэта працэдура прызнання дыпломаў заканчэння навучальных устаноў, атрыманых у навучальных установах іншых краін.

Каб зрабіць настрыфікацыю, партэбна прадаставіць наступныя дакументы:

  1. Натарыяльна завераная копія атэстата.
  2. Выпіску-даведку з пячаткай навучальнай установы, у якой паказана колькасць  гадзін навучання па кожным прадмеце за 9, 10 і 11 класы. Выпіску неабходна перакласці на чэшскую мову, але перакладаць можа толькі судовы перакладчык.
  3. Копія апошніх старонак пашпарта.
  4. Запаўнення заява .
  5. Аплата пошліны.

Дзе можна гэта зрабіць? У гарадскіх, раённых і абласных адміністрацыях. Заяву падаем па часовым або пастаянным месцы жыхарства ў Чэхіі.

Які парадак дзеянняў?

  1. Збіраем неабходныя дакументы.
  2. Падаем заяву.
  3. Чакаем разгляду дакументаў (1,5 месяца).
  4. Атрымліваем накірунак на экзамены, калі ёсць сярэдне-спецыяльная адукацыя, то ў большасці выпадкаў, экзамены здаваць не трэба.
  5. Здаем экзамены. Калі? Дамаўляемся аб даце з дырэктарам гімназіі / школы, якая будзе паказаная ў накірунку.

Экзамены.

Якія экзамены? Адкуль яны ўзяліся? Давайце разбірацца. Паколькі ў Чэхіі ў школах 13 класаў, то і колькасць акадэмічных гадзінаў у іх больш, а таму вам трэба будзе здаць настрыфікацыйны экзамен, каб «дапоўніць» гэтыя гадзіны. Па большай частцы беларускія студэнты здаюць біялогію, замежныя мовы і геаграфію, канкрэтны спіс вам пададуць ў органе афармлення настрыфікацыі.

Нешта яшчэ?

Гэта ўсе патрабаванні да паступлення, як бачыце, усё не настолькі складана. Поспехаў з вывучэннем мовы, падрыхтоўкай дакументаў і паступленнем!